Panaginip sa Madilim na Maliwanag

Alam ko, mali...subalit bakit ang pagkakataon
ay akay ang isang kahihinatnan na makupad?

Alam ko, mali...ngunit bakit may pag-asa
at akay ang katiwalian na kailanman ay hungkag?

Alam ko, mali...bakit hinayaan ng pagkakataon
na mailathala sa pangkalawakang kadahilanan?

Alam ko, mali...bakit dinala sa oras ng pangangailangan
na ang kapit ay tulad ng mapanlinlang na tuko?

Alam ko, talagang mali....subalit anong magagawa ko?
Pilit ko man suyurin sa isip kung alin, di ko malirip.

Ah, panaginip sa madilim kung minsan ay sala-hula
na kung sa isip ay tama maliwanag na maling halina.